ადგილობრივი ექსპერტები წიგნიერებაში (ორი ვაკანსია)

 

1. ზოგადი სახის ინფორმაცია:

საქართველოს განათლებისა და მეცნიერების სამინისტრო ახორციელებს განათლების სისტემის გარდაქმნისა და განმტკიცების პროგრამას (APL #2)  საკრედიტო ნომერი 4246 GE - ეროვნული დაწყებითი, საბაზო და საშუალო განათლების რეფორმირების,  სწავლის და სწავლების ძირითადი შინაარსის გარდაქმნისა და  და ყველა სკოლისთვის  მისაღწევი ახალი მიზნების შემუშავებისთვის. პროგრამა ფინანსდება საერთაშორისო განვითარების ასოციაციის (IDA) კრედიტით და იაპონიის PHRD  ტექნიკური მხარდაჭერის პროგრამის  გრანტის ფარგლებში,  ნომერი: TF057515.

საქართველოს მთავრობამ დააარსა ეროვნული სასწავლო გეგმებისა და შეფასების ცენტრი (ესგს), როგორც პროექტის ნაწილი. საქართველოს ესგს არის სახელმწიფო ორგანიზაცია, რომლის მიზანია გააუმჯობესოს საშუალო განათლების ხარისხი შემდეგი ძირითადი ამოცანების შესრულებით:

1.       ეროვნული სასწავლო გეგმის განვითარება და დანერგვა;

2.       სახელმძღვანელოების ხარისხის გაუმჯობესების ხელშეწყობა;

3.       საქართველოს საშუალო განათლების სისტემისთვისეროვნული შეფასებების ჩატარება.

ესგშც უზრუნველყოფს როგორც შერჩევაზე დაფუძნებული ეროვნული შეფასების ჩატარებას საქართველოში, აგრეთვე   მოსწავლეთა  შეფასების სისტემის განვითარებას კონკრეტული საგნების მიხედვით APL II პროგრამის ფარგლებში. სახელდობრ, როგორც პროგრამის ნაწილი, ცენტრი  ჩაატარებს შერჩევაზე დაფუძნებულ შეფასებას მათემატიკასა და ქართულ ენაში მე-4 და მე-9 კლასის მოსწავლეებთან.

                2009 წელს ეროვნული სასწავლო გეგმებისა და შეფასების ცენტრმა განახორციელა შერჩევაზე დაფუძნებული შეფასება ქართულ ენასა და მათემატიკაში მე-9 კლასის მოსწავლეებთან. შეფასება ჩატარდა შერჩეულ სკოლებში სასწავლო წლის ბოლოს. მათემატიკის შეფასებისთვის ჩატარდა პრეტესტი,  ამჟამად სრულდება მონაცემების შეგროვება. პროცესი უფრო წინ წასულია ქართული ენის შეფასებაში,  პრეტესტიც და ძირითადი ტესტიც უკვე განხორციელდა და ახლა მიმდინარეობს საბოლოო შედეგების ანგარიშზე მუშაობა. 

ამ პროგრამის მიზანია მოხდეს სამუშაოს სრულყოფა,  დაიგეგმოს და განხორციელდეს  ეროვნული შეფასებები მე-4 კლასისთვის ქართულ ენასა და მათემატიკაში 2011 წელს. ამისთვის ესგს გეგმავს  ორი ექსპერტის დაქირავებას ქართულ ენასა და ლიტერატურაში დაწყებითი საფეხურის მოსწავლეთა შეფასების სპეციალიზაციით.

2. მიზნები და მოსალოდნელი შედეგები: ქართულ ენასა და ლიტერატურაში მე-4 კლასის მოსწავლეებთან ეროვნული შეფასების დაგეგმვისა და განხორციელებისათვის ჩატარებული სამუშაოების გაუმჯობესება/სრულყოფა;   შეფასების ინსტრუმენტების განვითარება; მე-4 კლასელების მიღწევების სტანდარტზე დაფუძნებული შეფასების ჩატარება; კურიკულუმის დამუშავების პროცესში მონაწილეობა(ჩართულობა).

3. ვალდებულებები და პასუხისმგებლობა:

ქართულ ენასა და ლიტერატურაში (წიგნიერება) დაწყებითი განათლების ექსპერტის მიერ ჩატარებული სამუშაო:

·         მეოთხე კლასელთათვის ტესტური კითხვების შექმნა;

·         ფსიქომეტრიკოსებთან და შესაბამისი საგნის ექსპერტებთან თანამშრომლობა ტესტის შექმნისათვის;

·         ინსტრუქციების/ გზამკვლევების შექმნა და ტრენინგების ჩატარება  საგნის ექსპერტებისა და ტესტის შექმნის სპეციალისტებისთვის;

·         ტესტის შედეგების თვისებრივიანალიზის უზრუნველყოფა სტანდარტის განსაზღვრის სხვადასხვა მეთოდების გამოყენებით;

·         ტესტის შედეგების სიღრმისეული ანალიზი  და შუალედური და საბოლოო ანგარიშების მომზადება;

·         ახალი კურიკულუმის პილოტირებასა და დანერგვის პროცესში მონაწილეობა.

 

4. საკვალიფიკაციო მოთხოვნები (კრიტერიუმები შერჩევისთვის)

·         შესაბამისი უმაღლესი განათლება ქართული ენისა და ლიტერატურის სპეციალობით  (სასურველია PhD ხარისხი);

·         დაწყებით კლასებში სწავლების კარგი გამოცდილება;

·         საგანმანათლებლო სფეროში მუშაობის მინიმუმ 3 წლიანი გამოცდილება;

·         გუნდური მუშაობის უნარ-ჩვევები;

·         ინგლისური ენის ცოდნა საშუალო დონეზე (წერითი და ვერბალური საკომუნიკაციო უნარები);

·         კომპიუტერის სრულყოფილი ცოდნა.

5.      ანგარიშვალდებულება:

ექსპერტი ანგარიშვალდებულია ეროვნული სასწავლო გეგმებისა და შეფასების ცენტრის დირექტორს, ჰუმანიტარული მეცნიერების კოორდინატორს და შეფასების კოორდინატორს წარუდგინოს ყოველთვიური ანგარიშები.

6.      დასაქმების ხანგრძლივობა და ჩართულობა:

ხელშეკრულება ექსპერტებთან მოიცავს 10 თვეს. სრული განაკვეთი ხანგრძლივობის გაგრძელების პერსპექტივით.

 

დაინტერესებულმა პირებმა CV ქართულ და ინგლისურ ენებზე სამუშაო გამოცდილებისა და კვალიფიკაციის შესახებ უნდა წარმოადგინონ შემდეგ მისამართზე:

 

სსიპ ეროვნული სასწავლო გეგმებისა და შეფასების ცენტრი

0102 თბილისი, დიმიტრი უზნაძის ქ. #52, ოთახი #236.

ტელეფონები:  95-79-88

ელ-ფოსტა: info@ganatleba.org

 

საკონტაქტო პირი: ქ-ნი მანანა კვირკველია

 

განაცხადების წარმოდგენის საბოლოო ვადაა 2010 წლის 9 მარტი.